طبعا هذه اول مشاركة لي في هذا المنتدى الرائع, واتمنى من الخبراء ان يعطوني رأيهم في هذا الكورس , ورأيهم بأقتراحي في تغيير بعض التمارين وهل هو صح ام خطأ ؟
في البداية احب اكتبلكم الكورس
اليوم الاول :
1-بنج بريس مستوي بالحديد عكس المسطبة 8-7 \ 7-6 \ 6-4 \ 5-3 ...طبعا التكرارات كامل ونصفي.
2-بنج بريس اعلى بالحديد وسط 10-8-8-6
3-بنج دامبلص اسفل متقابل + بلوفر دامبلص اسفل 10-8-6-6
4-سحب عقلة امامي عريض 9-8-7-6
5-سحب بكرة مقلوب وسط من الاعلى 10-10-8-8
6-كيرل بكرة واقف ضيق من الخلف 10-8-6-6
7-كيرل بالحديد لاري وسط + كيرل لاري دامبلص مفرد 10-8-6-6
اليوم الثاني :
1-دبني اعتيادي الكعب للخارج 10-8-6-6
2-دفع ماكنة المشط متخالف + كيرل سيقان نائم خلفي 10-8-8-6
3-نشر دامبلص للجانب على ثلاث مراحل 5-5-5 ضرب 3 + هز اكتاف دامبلص جالس 3 ضرب 8
4-ضغط دامبلص جالس متكئ اعتيادي غير كامل 8-8-6-6
5-نشر دامبلص منحني متكئ الرأس 8-8-6
6-ترايسبس Z متكئ جالس ضيق 8-8-6-6
7-ترايسبس بكرة (بش داون) مقلوب وسط 10-8-8-6
اول شي احب اعرف رأيكم بالكورس عموما , ثاني شي اني حاب اغير تمرين الكيرل واخذ بدالة مثلا (كيرل بكرة من الخلف و كيرل بالبار z وسط + كيرل دامبلص واقف او لاري, او مثلا بدل ال z اخذ بالبار الاعتيادي وسط + كيرل دامبلص واقف او لاري) او انتوا شتشوفون شنو التمرين الي اخذة ويكون صحيح وينطي نتائج زينة (للعلم اني اريد اصعد ذراعي واشدهه) , بس حبيت استتفسر من خبراتكم لان خفت اخذ تمرين وينطيني نتائج عكسية لان اخاف تمرين هالكوس يعتمد على تمرين الكوس الي قبلة , ومعلومة اني بالكورس الي قبلة جنت اخذ كيرل z واقف ضيق 10-8-8-6 , كيرل دامبلص واقف مترادف + كيرل لاري بكرة وسط 10-8-6-6 وجان شغلة كلش حلو.
لان بصراحة اني تمرين الكيرل بهذا الشهر مدا اشوفة ديشد عندي واحس بي مديفيدني (واني اريد شي يشد ويكبر ذراعي وينطيهه ضخامة)
ف شنو رأيكم ونصائحكم.
معلومة: اني طولي تقريبا 180 او 182 ووزني مو اقل من 75 وجسمي مابي شحوم زايدة كلش ولا ناشف كلش يعني نص ونص , وهسه كمت اخذ بروتين (Russian bear 1000) او (الدب الروسي 1000) ف هم شنو رأيكم بي وشلون استخدامة الصحيح لان اني دا اخذة 3 سكوب وية نص لتر ماء بعد الفطور , بعد التمرين , قبل النوم , ف شنو رأيكم ؟؟
واسف عالاطالة وعالاستفسارات الهواية بس اتمنى تفيدوني بخبراتكم , واشكركم مقدما...